Два члена од нашиот клуб, кои од неодамна се зачленија и тренираат во џудо клубот „Миоки“ од Скопје, беа дел од екипата која го освои првото место во Државното екипно првенство во џудо за 2009 год.
Александра Лелов и Ана Младеновска придонесоа за победата на екипата од џудо клубот „Миоки“ која триумфираше во Прилеп минатата недела (13.12.2009). Ана беше резервен натпреварувач, но затоа Александра ги победи противничките и во двете свои борби со неверојатна решителност! Нивната спремност секако се должи и на одличните тренинзи во клубот „Миоки“ кај тренерот Игор Паскоски, со кој имаме одлична соработка.
